علشان نجيب من الآخر.. ماجد فهمى مش هو اللى هيتولى رئاسة «المصرف المتحد»، علشان فى كلام داير دلوقتى أن ماجد خلاص هيتولى المصرف.. باختصار الراجل فعلاً كان معروض عليه المصرف وهو وافق، وبعد ما المركزى بدأ فى خطوات تولى ماجد المصرف حدث شيء غريب، هو أن ماجد كان يعانى من تعب فى العصب فى عينه، وده كان فى ٢٠٠٩ وأتعالج من القصة دى بما يقرب من ٦ شهور ولكن عادت له مرة أخرى منذ حوالى شهر، والراجل قال لنفسه أكيد هفضل أتعالج مدة تانية لن تقل عن ٦ شهور كمان، فبالتالى حظلم نفسى، والأمانة اللى فى رقبتى، فالأحسن لى وللآخرين إنى اعتذر، وفعلاً قابل طارق عامر، محافظ البنك المركزى فى مكتبه بالمركزى وحكى له كل القصة وتفهم المحافظ الحكاية، واحترم ده فى الراجل، وقال له أتعالج وعندما تشعر بالتحسن وأنك قادر على العمل سوف نكون فى انتظارك، وسوف تتعوض فى مكان تانى ومنذ حوالى أسبوعين تلقى ماجد اتصالاً من لبنى هلال نائب محافظ البنك تطمئن عليه وعلى عينه وقالت له بالحرف الواحد: «أكيد فى المستقبل هيكون فى بينا تعاون وبالنسبة للمصرف متزعلش وتتعوض وتم ترشيح اسم جديد للمصرف».

وبكدا نقفل حكاية ماجد فهمى والمصرف المتحد علشان نرتاح ونبطل كتر كلام.